Бөлүмдөр
Ишемби, 19-октябрь
Жалал-Абад облусу, Кочкор-Ата 01.06.2019 15:35

Кочкор-Атада 2 миңдей балага майрам уюштурулду

Turmush -  Кочкор-Ата шаарында 1-июнь — Балдарды коргоонун эл аралык күнүндө 2 миңдей балага акысыз балмуздак жана жумшак оюнчуктар таратылды, деп билдирет аймактык кабарчы.

Маалым болгондой, анда мүмкүнчүлүгү чектелген, ата-энесинен эрте ажыраган балдар колдоого алынды.

«Иш-чаранын алкагында балдар арасында асфальтка сүрөт тартуу боюнча сынак болду. Андан соң спорттук таймаш өткөрүлүп, жыйынтыгында жеңүүчүлөргө белектер берилди. Балдарга балмуздак таратылды. Ошондой эле 60 балага акчалай колдоо көрсөтүлдү», - деп билдирди Кочкор-Ата шаардык мэриясынын социалдык маселелер боюнча жетектөөчү адиси Айчүрөк Анарбаева.

Балдарды коргоонун эл аралык күнү алгач 1949-жылдын ноябрь айында Франциянын Париж шаарында белгиленген. Бул күн 1950-жылдан тарта майрамдалып келет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×