Бөлүмдөр
Ишемби, 19-октябрь
Жалал-Абад облусу, Кочкор-Ата 02.04.2019 17:26

Кочкор-Атада 600дөй спортчу катышкан эркин күрөш боюнча эл аралык турнир өттү (сүрөт)

Turmush -  Кочкор-Ата шаарында эмгектин ардагери Кочкор Эргешовдун жаркын элесине арналган өспүрүмдөр арасында эркин күрөш боюнча эл аралык турнир өттү. Бул тууралуу аймактык кабарчы билдирди.

Маалым болгондой, турнирге коңшу Өзбекстандан 30дай спортчу катышты.

«Эл аралык турнир быйыл бешинчи ирет болуп жатат. Ал Дене тарбия жана спорт боюнча мамлекеттик агенттиги тарабынан өткөрүлөт. Быйылкы турнир жылдагыдан өзгөчөлөнүп, чоң масштабда болду. Ага жалпысынан 600гө жакын спортчу катышып, 12 салмактык категорияда күч сынашты.

Мындан сырткары бул турнирге коңшу Өзбекстандын Андижан облусунан да спортчулар катышты», - деди мэриянын спорт, туризм жана жаштар саясаты боюнча адиси Мыйзамбек Акматалиев.

Жыл сайын согуштун ардагери Токубай Тайгараев, Жогорку Кеңештин экс-депутаты, маркум Сатыбалды Жээнбековдун жаркын элесине арналган эл аралык турнирлер өткөрүлүп келет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×