Бөлүмдөр
Жума, 24-январь
Жалал-Абад облусу, Кербен 18.12.2019 17:45 На русском

Аксыда 6,3 млн сомго бааланган жер мэриянын балансына кайтарылды

Turmush -  Жалал-Абад облусунун Аксы районунда мыйзамсыз берилген жер тилкелери муниципалдык менчикке кайтарылып берилди. Бул тууралуу Аксы райондук прокуратурасы билдирди.

Алардын маалыматына караганда, мыйзамсыз берилген жерлерди аныктоо максатында жүргүзүлүп жаткан иш-чаралардын алкагында муниципалдык менчикке 1,54 гектар жер кайтарылган. Ал жер Аксы районунун Кербен шаардык мэриясынын токтому менен 2012-2015-жылдары турак үй куруу үчүн шаар тургундарына трансформациясы жок бөлүнүп берилген. 1,54 га жер айыл чарбасы үчүн пайдалана турчу жер болчу.

1,54 га жерди бөлүп берүү тууралуу токтом жана мамлекеттик актыларды жокко чыгаруу тууралуу райондук прокуратура тарабынан келтирилген доо арыздар канааттандырылган. Анын негизинде 6 млн 327 миң 998 сомго бааланган жер Кербен шаардык мэриясынын балансына алынган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×