Бөлүмдөр
Бейшемби, 5-декабрь
Жалал-Абад облусуНоокен району 29.11.2019 11:23 Жаңыланды: 29.11.2019 14:18

Ноокенде лидер аялдар футбол талаасында беттешти. Видео

Turmush -  Ноокен районунда лидер аялдар футбол талаасында беттешти, деп билдирди аймактык кабарчы.

Уюштуруучулардын айтымында, мелдеш аялдар коомдо чоң күчкө ээ болуп, алардын орду бир гана үй-бүлөдө эмес экенин көрсөтүү максатында уюштурулду. Ага Масы айыл аймагында билим берүү, саламаттыкты сактоо тармагында иштеген аялдар жана үй кожойкелер катышты.

«Биз лидер аялдардын коомдогу жана саясаттагы ролун жогорулатуу максатын көздөйбүз. 2020-жылдан тарта жергиликтүү кеңештин депутаттарын шайлоодо 30%дык квота аялдарга берилип жатат. Андыктан аялдар үй-бүлөнүн гана түйшүгүн тартпастан, коомдогу социалдык-экономикалык көйгөйлөрдү чечүүгө катыша алышат. Бул оюн менен биз аялдар дагы лидер боло аларын көрсөткүбүз келди», - деди Кыргызстандын лидер аялдарынын улуттук түйүнүнүн мүчөсү Гүлмайрам Аттокурова.

Мындан тышкары, ал окуучулар арасында «Аялдардын коомдогу орду» деген темада сүрөт сынагы өткөрүлүп, жеңүүчүлөргө белектер тапшырылганын кошумчалады.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×