Бөлүмдөр
Бейшемби, 5-декабрь
Жалал-Абад облусу, Майлуу-Суу 27.11.2019 15:01

Майлуу-Сууда асынып алган жоокер тууралуу эмне белгилүү?

Turmush -  Майлуу-Суу шаарында №12544 аскер бөлүктө кызмат өтөп жаткан жоокер автопарктын аймагындагы бастырмага асынып алган. Бул тууралуу аймактык кабарчы жеке булактарга таянуу менен билдирди.

Маалым болгондой, окуя 27-ноябрь күнү саат 08:00 чамасында болгон. Бул боюнча дароо ооруканага жана милицияга кабар берилген. Жоокердин денесине тийиштүү тараптар кароо жүргүзүп, анда ур-токмокко кабылган белгилер болбогонун аныкташкан.

Өз өмүрүнө кол салган жоокер Ала-Бука районунун Жаңы-Шаар айылынын 22 жаштагы А.у.Т. аттуу тургуну болгон. Ал быйылкы жылдын апрель айынан бери аскердик милдетин аткарып жаткан.

Куралдуу күчтөрдүн Кургактагы аскерлеринин басма сөз кызматынын маалыматына караганда, А.у.Т. 6-ноябрда кечинде 10 күндүк эс алуудан кийин кайтып келген. Ал аскер бөлүктө 1 айдын жыйынтыгы боюнча мыкты жоокер катары сыйланган. Жоокердин өлүмү боюнча облустук аскердик прокуратура иш алып барууда.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×