Бөлүмдөр
Бейшемби, 5-декабрь
Жалал-Абад облусу, Кара-Көл 27.11.2019 09:27

Кара-Көлдө «Соолубасын үмүттөр» сынагынын жеңүүчүлөрү аныкталды

Turmush -  Кара-Көл шаарында 26-ноябрда «Соолубасын үмүттөр» аттуу музыкалык кароо-сынак өткөрүлдү. Бул тууралуу аймактык кабарчы билдирди.

Иш-чара 3-декабрь — Эл аралык майыптарды коргоо күнүнө карата өткөрүлүп, ага 9 тургун катышты. Алар эстрада, фольклор, бий боюнча өнөрлөрүн тартуулап, калыстар тобу тарабынан баа берилди.

Жыйынтыгында бийлөө жанры боюнча 1-орунду Курманалиева Майрам, эстрадалык жанр боюнча 1-орунду Сыргаков Аман, фольклор жаатында Сатарова Миргүл 1-орунга ээ болушту. Катышуучулар баалуу белектер, грамоталар менен сыйланышты.

Ошондой эле ар бир жанр боюнча 1-2-3-орундарды ээлеген жарандар 3-декабрда өтө турган «Кош жылдыз» сынагынын шаардык тандоо туруна катышат. Сынактын шарты боюнча алар мекеме-ишканалардын жетекчилери менен бирге ырдап, бийлеп, эркин темада атайын номурларды аткарышат.

Калыстардын курамында шаардык кеңештин төрагасы Бакытбек Кыргызалиев, вице-мэр Гүлмира Сатарова дагы болду.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×