Бөлүмдөр
Дүйшөмбү, 9-декабрь
Жалал-Абад облусу, Таш-Көмүр 26.11.2019 14:13

Таш-Көмүрдөгү рейд: Туруктуу жашаган жери жок адамга үй берилди

Turmush -  Таш-Көмүр шаарында суук түшкөн мезгилде туруктуу жашаган жери жок атуулдардын өлүмүнө жана кылмыштуулукка бөгөт коюу максатында ШИИБдин кызматкерлери тарабынан «Көчө» рейди өткөрүлдү. Бул тууралуу Жалал-Абад ОИИБдин басма сөз кызматы билдирди.

Рейддин жүрүшүндө көптөгөн аймактар текшерүүгө алынган.

- Паспорттук эреженин сакталышын көзөмөлдөөдө 1569 адам жашаган 357 кожолук текшерилди;

- Каттоодо турган психикалык жактан жабыркаган 5 адам текшерилип, бирөө Кызыл-Жар шаарчасында жайгашкан республикалык психиатриялык ооруканага жаткырылды;

- Каттоодо турган 146 адам текшерилип, эмне менен алектенип жатканы боюнча түшүнүк кат алынды;

- Эркинен ажыратылуучу жайдан жаңы бошонуп келген 2, шарттуу соттолгон 2 жана спирт ичимдигин көп ичкен 5 атуул каттоого алынып, тийиштүү иштер жүргүзүлдү;

- Туруктуу жашаган жери жок 1 адамга жергиликтүү өз алдынча башкаруу бийлиги тарабынан туруктуу жашаганга 1 батирлүү үй берилип, 2 адам Кызыл-Жар республикалык психиатриялык ооруканасына жаткырылды;

- Каттоодо турган 97 мергенчинин уруксат кагаздары, ок атуучу куралдарды сактоочу бөлмөлөрү, сейфтери текшерилип, 16 адамга эскертүү берилди;

- Оор жана өзгөчө оор кылмыштар боюнча издөөдө жүргөн адамдардын кайда жүргөнүн аныктоо максатында жашаган жеринен маалымат алуу үчүн иш-чаралар жүргүзүлдү;

- Коомдук коопсуздукту, кылмыштуулукту жана ар кандай кырсыктарды болтурбоо максатында түшүндүрүү иштери жүргүзүлдү. Мындан сырткары 7 мейманкана, 4 өзгөчө кайтаруудагы объекттер текшерүүгө алынды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×