Бөлүмдөр
Бейшемби, 5-декабрь
Жалал-Абад облусу, Таш-Көмүр 26.11.2019 12:20 На русском

Ош—Бишкек жолунда 3 унаа кагышып, айдоочунун атасы каза болду

Таш-Көмүр шаары
Таш-Көмүр шаары

Turmush -  Жалал-Абад облусунун Таш-Көмүр шаарында 3 автоунаа кагышып, айдоочунун атасы каза болду. Бул маалыматты Жалал-Абад облусу боюнча жол кыймылынын коопсуздугун камсыздоо бөлүмү тастыктады.

24-ноябрь күнү саат 12:20 чамасында Жалал-Абад облусунун Таш-Көмүр шаарында, тактап айтканда Ош—Бишкек жолунун 463-чакырымында Лейлек районунун 1988-жылы туулган тургуну Ж.Т. «Ауди B4» үлгүсүндөгү автоунаасы менен Бишкек шаарын көздөй бара жаткан. Карама-каршы тилкедеги «ДЭУ Нексия» үлгүсүндөгү унаа менен кагышып, «Мерседес-Бенц Вито» үлгүсүндөгү унааны сүзүп токтогон.

Анын кесепетинен «Ауди» үлгүсүндөгү унаанын айдоочусунун 1960-жылы туулган атасы Ж.К. Таш-Көмүр шаардык ооруканасына жеткирилген. Бирок ооруканадан каза болду. Ал эми «Ауди» унаасынын айдоочусу, анын жубайы Ж. кызы Н., балдары — 2013-жылы туулган К.З. жана 2014-жылы туулган К.А. дагы Таш-Көмүр шаардык ооруканасына жеткирилген. Андан сырткары «Мерседес-Бенц Вито» үлгүсүндөгү унаанын жүргүнчүсү — 1985-жылы туулган Э.И. кийинчерээк башка ооруканага кайрылган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×