Бөлүмдөр
Бейшемби, 5-декабрь
Жалал-Абад облусу, Жалал-Абад 22.11.2019 08:13

Жалал-Абадда жүргүнчү ташыган унаалардын техникалык абалы текшерилди

Turmush -  Жалал-Абад облусунда жүргүнчүлөрдү ташуучу унаалардын техникалык абалы текшерилип жатат. Бул тууралуу ОИИБдин басма сөз кызматы билдирди.

Маалыматка караганда, текшерүү облустук ЖККК бөлүмүнүн кызматкерлери тарабынан аба ырайынын кескин өзгөрүшүнө байланыштуу жол кырсыктарын алдын алуу жана болтурбоо максатында жүргүзүлүүдө.

«Жол көзөмөлдөөчүлөр автобекеттерде жүргүнчү ташуучу унаалардын техникалык абалын текшерип, эскертүүлөрдү берүүдө. Ошондой эле, айдоочулар менен жолугушуулар уюштурулуп, алардын жоопкерчилигин жогорулатуу боюнча түшүндүрүү иштерин жүргүзүүдө.

Жалал-Абад шаарында Бишкек шаарына жүргүнчү ташыган 50дөн ашуун унаа бар болсо, бир күндө 10-15ке жакын унаа каттамга чыгат. Ал эми облустун аймагында 250дөн ашуун айдоочу борборго жүргүнчү ташуу менен алектенет», - деп айтылат маалыматта.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×