Бөлүмдөр
Шейшемби, 12-ноябрь
Жалал-Абад облусу, Таш-Көмүр 01.11.2019 15:55 На русском

13 жаштагы Жибек Каратаева кол күрөш боюнча дүйнө чемпиону болду

Turmush -  Кол күрөш боюнча дүйнө чемпионатында кыргызстандык Жибек Каратаева алтын медаль утту. Бул тууралуу Кол күрөш федерациясындагы башкы машыктыруучу Каныбек Эсенгелдиев билдирди.

26-октябрда Румыниянын Констанца шаарында башталган кол күрөш боюнча дүйнөлүк чемпионатта Жибек Каратаева сол кол менен күрөшүүдө күмүш медаль тагынып, оң кол менен күрөшүүдө алтын медаль жеңип алды.

Каныбек Эсенгелдиевдин айтымында, дүйнөлүк чемпионатта Аскат уулу Өткүр 50 кг салмак категориясында сол кол менен күрөшүүдө күмүш медалга ээ болгон. Ал эми Жибек Каратаева 40 кг салмакта күч сынашкан.

Жибек Каратаева күмүш медаль менен сыйланып жаткан учур

Учурда дүйнөлүк чемпионат уланууда. Ал 4-ноябрда жыйынтыкталат. Мелдешке 54 мамлекеттен жалпы 1500 спортчу катышууда. Кыргызстандын атынан 16 адам катышса, алардын сегизи мүмкүнчүлүгү чектелген спортчулар.

Жибек Каратаева Жалал-Абад облусунун Таш-Көмүр шаарынын 2006-жылы туулган тургуну.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×