Бөлүмдөр
Шейшемби, 15-октябрь
Жалал-Абад облусуБазар-Коргон району 04.10.2019 09:49 Жаңыланды: 04.10.2019 12:33 На русском

Видео — Базар-Коргон РЭСтин юристи пара менен кармалды

Иллюстрациялык сүрөт
Иллюстрациялык сүрөт

Turmush -  Финансы полициясынын кызматкерлери кызмат адамы тарабынан мыйзамсыз сый акы алуу фактысын аныкташты. Маалыматты аталган ведомствонун басма сөз кызматынан тастыкташты.

Маалым болгондой, Экономикалык кылмыштуулук менен күрөшүү боюнча мамлекеттик кызматынын Базар-Коргон, Ноокен, Тогуз-Торо райондору жана Жалал-Абад шаары боюнча райондор аралык бөлүмүнө Т.Н. аттуу жаран арыз менен кайрылган. Анда ал Базар-Коргон РЭСтин юристи С.Ж. электр энергияга болгон карызы боюнча соттук ишти оң жагына чечүү үчүн андан акча талап кылганын билдирген.

Аталган факт Кылмыштардын жана жоруктардын бирдиктүү реестрине Жазык кодексинин 238-беренеси боюнча (Кызматчынын мыйзамсыз сый акы алуусу) каттоого алынган.

Тиешелүү иштердин жүрүшүндө 2-октябрда өзүнүн бөлмөсүндө 10 миң сом алып жаткан учурда С.Ж. кармалган. Учурда сотко чейинки өндүрүш иши башталды.

Кийинчерээк «Жалалабатэлектро» ААКтын басма сөз кызматы кармалган Базар-Коргон райондук электр тармактар ишканасынын юристинин күнөөсү жок экендиги аныкталган соң коё берилгенин билдирген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×