Бөлүмдөр
Шейшемби, 15-октябрь
Жалал-Абад облусуТоктогул району 02.10.2019 13:01

Ош—Бишкек жолунда күйүүчү май ташыган унаанын чиркегичин башка унаа сүздү

Turmush -  Ош—Бишкек жолунда жол кырсык катталып, 1 сааттай кыймылга чектөө коюлду. Бул тууралуу аймактык кабарчы билдирди.

Жалал-Абад ОИИБдин ЖККК бөлүмүнүн маалыматына караганда, жол кырсык 1-октябрда Ош—Бишкек жолунун 323-чакырымында, тактап айтканда Токтогул районунун аймагында катталган.

«Оштон Бишкекти көздөй бара жаткан күйүүчү май ташуучу унаанын алдынан уй чыга калып, унаа чукул бурулуш жасаганда анын артындагы чиркегичи чыгып кеткен. Ал эми аркасында келе жаткан «Хонда Степвагон» үлгүсүндөгү унаа жолду тороп калган цистернаны сүзгөн. Кырсыктан күйүүчү май ташуучу унаанын айдоочусу жеңил жаракат алган, бирок ооруканага кайрылган эмес. Учурда териштирүү иши жүрүүдө», - деп айтылат маалыматта.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×