Бөлүмдөр
Шейшемби, 15-октябрь
Жалал-Абад облусуАла-Бука району 12.09.2019 18:16 На русском

Атасынын унаасын айдап чыккан өспүрүм кырсыкка кабылып, үч классташ жабыркады (сүрөт)

Turmush -  Жалал-Абад облусунда жол кырсыктан үч өспүрүм жигит жабыркап, ооруканага түштү. Бул тууралуу жергиликтүү тургундар билдиришти.

Жалал-Абад ОИИБдин Жол кыймылынын коопсуздугун көзөмөлдөө бөлүмүнөн алынган маалыматка караганда, жол кырсык Ала-Бука районунун Падек айылында 11-сентябрда саат 23:00 чамасында катталган.

Сафед-Булан айылынын 2003-жылы туулган тургуну А.Ж. атасына таандык «Хафей HFJ» үлгүсүндөгү унаасын айдап чыгып, Падек айылына жеткенде рулду башкара албай, оодарылып кеткен. Жол кырсыктын кесепетинен А.Ж. аны менен бирге бара жаткан классташтары — Х.А, жана А.Ф. аттуу өспүрүмдөр дагы жабыркап, райондук ооруканага жеткирилген. Учурда жол кырсык боюнча териштирүү иштери жүргүзүлүп жатат», - деп айтылат маалыматта.

Райондук ооруканадан алынган маалыматка караганда, жабыркагандарды бейтааныш адамдар алып келишкен.

«Адегенде үчөө тең жандандыруу бөлүмүнө жаткырылган. Алардын ичинен А.Ф.нын баш мээси чайкалган, 2-3-даражада травматикалык шок абалда болгон. Калган эки бейтап кайра жандандыруу бөлүмүнөн хирургия бөлүмүнө которулушту, абалдары орто. Керектүү дары-дармектер берилип жатат», - деп билдиришти ооруканадан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×