Бөлүмдөр
Дүйшөмбү, 19-ноябрь
Жалал-Абад облусуАксы району 15.10.2018 12:35

Кербен шаарында Нүзүп бийдин айкели тургузулду (фото)

Turmush -  Аксы районуна караштуу Кербен шаарында Нүзүп бийдин айкели тургузулду. Бул тууралуу райондук мамлекеттик администрациядан билдиришти.

Маалыматка караганда, Нүзүп Эсенбай уулунун эстелиги 3 жылдан бери жасалып жаткан. Анын ачылышына райондун акими Масалбек Мырзамамытов баштаган жетекчилер катышты.

Нүзүп бийдин эстелигинин курулушу 2015-жылы башталып, кийин каражат жетпей, толук бүтпөй калган. Эстеликке марафондон 1 млн 200 миң сомдой каражат чогултулган болчу.

Нүзүп бий Эсенбай уулу (1794-1844) XIX кылымда Аксы аймагынан чыккан көрүнүктүү мамлекеттик ишмер, аскер башчы болгон. Кокон хандыгында кыргыздардын ичинен биринчи болуп «миң башылык» жогорку аскердик чинге жеткен тарыхый инсан. Нүзүп Эсенбай уулу 1794-жылы (айрым тарыхый булактар боюнча 1796-1798-жылдары) Аксы районунун Афлатун айлында төрөлгөн. Сарай козголоңу маалында 1844-жылы өлтүрүлгөн.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×