Бөлүмдөр
Шаршемби, 17-октябрь
Жалал-Абад облусу, Кара-Көл 10.10.2018 11:13 На русском

Кара-Көл шаардык кеңештин сессиясында депутаттар мэрдин ишине баа беришти (фото)

Turmush -  Кара-Көлдө 9-октябрда шаардык кеңештин кезектеги 21-сессиясы болуп өттү. Аймактык кабарчы маалымдагандай, сессияга 27 депутат катышты. Үч депутат жөйөөлүү себептер менен катышкан жок.

Күн тартибине 22 маселе коюлуп, төмөнкү маселелер каралды.

1. Шаардын 2018-2019-жылга күзгү-кышкы мезгилге даярдыгы жөнүндө биринчи вице-мэрдин маалыматы каралып, кеңештеги тиешелүү комиссияга кайра кароого жөнөтүлдү;

2. Мэриянын шаардагы иштердин жалпы абалы, бюджеттин аткарылышы, муниципалдык менчиктин жана бюджеттен тышкаркы фонддордун каражаттарынын пайдаланылышы, социалдык-экономикалык жактан коргоо программаларынын 2018-жылдын 6 айында аткарылышы жөнүндө мэр И.Еркеевдин отчету каралып, анын отчетуна шаардык кеңештин депутаттары канааттандырарлык деген баа беришти;

3. Шаардык бюджеттин киреше жана чыгаша бөлүгүнүн 2018-жылдын 6 айындагы жыйынтыгы боюнча мэр И.Еркеев маалымат берди;

4. Шаардык ички иштер бөлүмүнүн коомдук тартипти сактоо, тартип бузуучулукту, кылмыштуулукту болтурбоо боюнча балдар жана жаштар арасында көрүлүп жактан иш-чаралар жөнүндө маалыматын депутаттар угушуп, тиешелүү маселелер боюнча сунуштарын айтышты;

5. Аялдар кеңешинин 2017-жылдын 6 айындагы жана ушул жылдын 6 айында аткарылган иштери жөнүндө отчету каралып, сунуш-пикирлер берилип, суроолорго жооп алынып, канааттандырарлык деп табылды;

6. Кара-Көл токойчулугунун аткарган иштери жөнүндө маалымат берилип, маселе кароодон өттү;

7. Аксакалдар сотунун 9 адамдан турган мүчөлүгүн бекитүү маселеси депутаттардын кароосунан өткөн жок.

Сессия 10-октябрга жылдырылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×