Бөлүмдөр
Дүйшөмбү, 17-декабрь
Жалал-Абад облусуТоктогул району 29.06.2018 20:01

Токтогулдун тургунунан 100 миң сом талап кылып, унаасын тартып алган кылмыштуу топтун мүчөлөрү кармалды (фото)

Turmush -  Токтогул районунда жергиликтүү тургундан 100 000 сом талап кылып, унаасын тартып алган кылмыштуу топтун мүчөсү кармалды. Бул тууралуу Жалал-Абад ОИИБдин басма сөз кызматынын ага инспектору, милициянын лейтенанты Мыктыбек Турдубеков билдирди.

Анын айтымында, РИИБге Токтогул районунун тургуну, жабырлануучунун апасы арыз менен кайрылган. Ал арызында 17-майда анын уулу — 1995-жылы туулган Т.А.дан белгисиз адамдар 100 000 сом акча талап кылгандыгын жана «ВАЗ 2106» үлгүсүндөгү унаасын тартып алышкандыгын билдирип, аларга чара көрүп берүүсүн суранган.

Бул факт боюнча КРнын Кылмыш-жаза кодексинин 170-беренеси менен кылмыш иши козголду. Алгач аталган кылмышка шектүүлөрдүн арасынан 20 күн мурда бирөө кармалып, калган 4 адам изин жашырып качып жүргөн.

«ИИМдин Криминалдык милиция кызматынын аймактар аралык башкармалыгынын Жалал-Абад облусу боюнча уюшкан кылмыштуулукка каршы күрөшүү бөлүмүнүн жана ИИМдин уюшкан кылмыштуулукка каршы күрөшүү башкармалыгынын кызматкерлери биргеликте кылмышка шектүүлөрдү 28-июнда кармашкан.

Алар уюшкан кылмыштуу топтун мүчөлөрү катары ИИМдин каттоосунда турган Токтогул шаарынын тургундары — 1994-жылдары туулган Эрнист жана Арген, 1995-жылы туулган Нуржан, 1996-жылы туулган Шабданбек экени аныкталган. Алар 2 айга камакка алынды. Учурда Токтогул РИИБдин тергөө кызматы тарабынан тергөө амалдары жүрүүдө», - деп билдиришти басма сөз кызматынан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×