Бөлүмдөр
Ишемби, 22-сентябрь
Жалал-Абад облусуНоокен району 28.06.2018 09:51 Жаңыланды: 28.06.2018 11:17 На русском

Ноокенде атасын тойго ээрчип барган 5 жаштагы кыз сууга агып кетти

Turmush -  Ноокен районунун Достук айыл аймагынын Кызыл-Туу айылында каналдагы сууга 5 жаштагы кыз агып кетти. Окуя кечээ, 27-июнда саат 15:30 чамасында болгонун ӨКМдин басма сөз кызматы билдирди.

Маалыматка караганда, 2013-жылы туулган А.Н. аталган айылдагы тойго атасын ээрчип барган. Ал Достук каналынын жээгинде ойноп жатып, сууга түшүп кеткен. Turmush басылмасынын кабарчысына маалым болгондой, сууга агып каза болгон 5 жаштагы кыздын денесин жергиликтүүлөр 1 метр аралыктан кийин табышты.

Ойноп жүрүп сууга түшүп кеткен кызды издөө үчүн каналдагы суу да токтотулган. Издөө иштери ӨКМдин №55 куткаруу бөлүгүнүн куткаруучулары тарабынан дагы жүргүзүлүп, бирок оң жыйынтык чыккан эмес.

Буга чейин ӨКМ Достук айыл аймагынын Кызыл-Туу айылындагы көлмөгө бир адам чөгүп кетти деген маалымат түшкөнүн билдирген. Кечээ, саат 15:35те издөө иштерин жүргүзүү үчүн 4 куткаруучу чыгып кетишкен.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×