Бөлүмдөр
Шаршемби, 14-ноябрь
Жалал-Абад облусу, Таш-Көмүр 27.06.2018 11:31

Таш-Көмүрдө агасынын үйүнө кеткен бойдон дайынсыз жоголгон тургун табыла элек

Turmush -  Таш-Көмүр шаарында дайынсыз жоголгон 46 жаштагы тургунду издөө иштери улантылып жатат. Ал 21-июнда агасынын үйүнөн чыгып кеткен боюнча кайра кайтып келбегенин ӨКМдин басма сөз кызматы билдирди.

Маалыматка караганда, Кызыл-Алма айылынын 1972-жылы туулган тургуну Б.Т.нын жоголгондугу тууралуу туугандары кабар берип, Нарын дарыясынын жээгинде издөө иштерин жүргүзүүнү суранышкан.

Кечээ, 26-июндагы издөө иштерине ӨКМдин өзүнчө издөө-куткаруу отрядынын 6 куткаруучусу жана туугандарынан 2 адам тартылып, бирок оң жыйынтык чыккан жок. Издөө иштери бүгүн, 27-июнда улантылат.

Буга чейин аталган тургунду издөө үчүн 6 куткаруучу, ШИИБдин 10 кызматкери жана туугандарынан 2 адам тартылган болчу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×