Бөлүмдөр
Шейшемби, 25-сентябрь
Жалал-Абад облусуТоктогул району 26.06.2018 10:46 Жаңыланды: 26.06.2018 14:02 На русском

Фото — Чычкан суусуна түшүп кеткен унаадагы 2 адамдын денеси табылды, 6 адам жаракат алган

Turmush -  Бүгүн, 26-июнда Токтогул районундагы унаа кырсыктан 6 адам жабыркап, дайынсыз жоголгон 2 адамдын денеси табылды. Бул тууралуу ӨКМден билдиришти.

Маалыматка караганда, кырсык Бишкек–Ош унаа жолунун 264-чакырымында (Өрүктүү тилкеси) болгон. 8 адам бара жаткан «Хонда Степ» үлгүсүндөгү унаанын айдоочусу рулду башкара албай, унаа жолдон чыгып, Чычкан суусуна түшүп кеткен. Андагы жүргүнчүлөрдүн ичинен 6 адам Токтогул райондук ооруканасына жеткирилди.

Саат 03:45те ооруканага жеткирилген жабырлануучулар:

- Алай районунун 1963-жылы туулган тургуну С.Э., буту сынган;

- Өзгөн районунун тургуну Н.А., денеси көгөргөн;

- Өзгөн районунун 1948-жылы туулган тургуну Ж.Ж., башынан жаракат алып, денеси көгөргөн.

Кийинчерээк Turmush басылмасына маалым болгондой, автоунаа (мамлекеттик номуру S 8514 N) Бишкектен Ош шаарын көздөй бара жаткан. Унаанын рулунда Өзгөндөгү Ак-Жар айылынын 1948-жылы туулган тургуну Ж.Жусупбек болгон.

Окуядан кийин Алай жана Өзгөн райондорунун жашоочулары — 1996-жылы туулган Ж.Нурсултан, 1996-жылы туулган Т.Дөөлөт жана 1985-жылы туулган И.Хусанга медициналык жардам көрсөтүлүп, үйлөрүнө жөнөтүлгөн.

Ал эми суудан чыгарылган унаанын ичинен Өзгөн районунун 1986-жылы туулган тургуну И.Махмуддун денеси табылган. Унаадагы жаш кыздын денеси изделип жатып, саат 12:00 чамасында суудан табылганын ӨКМдин басма сөз кызматы билдирди.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×