Бөлүмдөр
Дүйшөмбү, 17-декабрь
Жалал-Абад облусу, Таш-Көмүр 25.06.2018 11:14

Таш-Көмүрдө 3 адам баңгизат менен кармалды, бири Өзбекстандын жараны (фото)

Turmush -  Таш-Көмүр шаарында 3 адам баңгизат менен кармалды, алардын бири Өзбекстандын жараны.

Таш-Көмүр ШИИБдин маалыматына караганда, милициянын аймактык ыйгарым укуктуу өкүлдөрү жана баңгизатты мыйзамсыз жүгүртүүгө каршы күрөшүүчү кызматкерлер ушул жылдын 7-июнунда саат 14:00 чамасында Шамалды-Сай шаарчасынын сейил багында Аксы районунун Кызыл-Жар айылынын 1972-жылы туулган тургуну А.К.ны текшерген. Анын чөнтөгүнөн болжол менен 6-7 грамм кара, күрөң түстөгү өзгөчө жыты бар зат табылган.

Андан 2 жума өтпөй ошол эле аймактан баңгизат алып жүргөн адам кармалган. Тактап айтканда, 21-июнда саат 16:00 чамасында Таш-Көмүр шаарына караштуу Шамалды-Сай шаарчасынын 1977-жылы туулган тургуну Т.Т. Таш-Көмүр шаарынын Некрасов көчөсүндө ыкчам-малыматтын негизинде текшерилип, анын кийип жүргөн шымынын чөнтөгүнөн салмагы 25-30 грамм баңгизат алынган.

Ошондой эле 23-июнда саат 11:30 чамасында Шамалды-Сай шаарчасында Өзбекстандын Самарканд облусунун 1975-жылы туулган тургуну Т.Ш.ны текшерген убакта жанындагы тамекинин кутучасынан 6 грамм кара түстөгү өзгөчө жыты бар баңгизат алынган.

Химиялык экспертизанын жыйынтыктары көрсөткөндөй, алынган заттар гашиш экендиги аныкталган. Жогорудагы 3 факты боюнча Таш-Көмүр ШИИБдин тергөө кызматы тарабынан КРнын Кылмыш-жаза кодексинин 246-беренеси менен кылмыш иштери козголуп, кармалган жарандар убактылуу кармоочу жайга киргизилген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×