Бөлүмдөр
Шаршемби, 14-ноябрь
Жалал-Абад облусуСузак району 24.06.2018 16:19

Сузактын тургунунан акча талап кылган уюшкан кылмыштуу топтун мүчөсү кармалды (фото)

Turmush -  Жалал-Абад облусунда акыркы 1 жума ичинде оор кылмыштарга тиешеси бар деп шектелип уюшкан кылмыштуу топтун 4 мүчөсү жана аларга байланышы бар адамдар кармалышты.

ОИИБдин маалыматына караганда, кармалгандардын бири 29 жаштагы Сузак районунун Атабеков айыл аймагынын жашоочусун көптөн бери коркутуп, 200 доллар талап кылып келген.

«КРнын Кылмыш-жаза кодексинин 170-беренеси менен кылмыш иши козголуп, Жалал-Абад ОИИБдин Криминалдык милиция кызматы оперативдүү иш аракеттерди жүргүзүп, акча талап кылган жаран жабырлануучудан 5000 сом алып жаткан жеринен кармалды. Уюшкан кылмыштуу топко байланышы бар жаран Жалал-Абад шаарынын 1996-жылы туулган тургуну М.А., экендиги жана буга чейин КЖКнын 164-234-беренелери менен айыпталгандыгы аныкталды», - деп айтылат маалымтта.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×