Бөлүмдөр
Дүйшөмбү, 17-декабрь
Жалал-Абад облусуАла-Бука району 20.06.2018 16:34 На русском

«Кошуна үйгө кеткен бойдон дайынсыз»: Окуучу кызды зордуктоого шектүү камалды

Turmush -  Ала-Бука районунда окуучу кызды зордуктоого шектелген адам 2 айга камакка алынды.

Жалал-Абад облустук соттун басма сөз кызматы кабарлагандай, Ала-Бука райондук сотуна РИИБдин тергөө кызматы тарабынан КРнын Кылмыш-жаза кодексинин 129-беренесинин 3-бөлүгүнүн 1-пунктунда көрсөтүлгөн (Зордуктоо, жашы жете электерге карата жасалган) кылмышты жасоодо айыпталып жаткан А.Э.Б.нын кармалгандыгынын мыйзамдуулугун текшерүү жана бөгөт коюу чарасын камакка алууну тандоо боюнча өтүнүч келтирген.

«Соттун ушул жылдын 16-июнундагы токтому менен тергөө кызматынын өтүнүчү канааттандырылган. Анда А.Э.Б.ни кармоо мыйзамдуу жана негиздүү деп табылган, аны 2 ай кармоо менен байланышкан, бөгөт коюу чарасы катары камакка алуу түрү тандалган», - деп айтылат маалыматта.

Ал эми Ала-Бука райондук социалдык өнүктүрүү башкармалыгынын маалыматына караганда, шектүү жаран жаштайынан майыптыгы боюнча каттоодо турат.

«Окуучу кызды унаасында зордуктоого шектелип кармалган 1993-жылы туулган Э.А бала чагынан эле ден соолугунан мүмкүнчүлүгү чектелген, 3-топтогу майып катары каттоодо турат», - деп билдиришти.

Буга чейин Ала-Бука районунда өзүнүн унаасында окуучу кызды зордуктоого шектүү делип 25 жаштагы жигит кармалгандыгы маалымдалган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×