Бөлүмдөр
Шаршемби, 18-июль
Жалал-Абад

Тогуз-Торо аймактык оорукананын жугуштуу оорулар бөлүмү оңдоого муктаж (фото)

Turmush -  Тогуз-Торо районундагы аймактык ооруканасынын жугуштуу оорулар бөлүмүнүн имараты оңдоого муктаж.

Аймактык оорукананын башчысы Нуржамал Дүйшееванын айтымында, имаратты оңдоого 8 млн сом керектелет.

«Оорукананын жугуштуу оорулар бөлүмүнүн имаратынын абалы начар. Имараттын чатырчасы бузулгандыктан 10 жылдай тамчы өтүп, кийин 2014-жылы жабылган экен. Мен бул жерге жаңы жетекчи болуп келдим. Келгенден бери өкмөткө, президентке кайрылуу жолдодук. Имаратты оңдоого 8 млн сом керектелет», - дейт Н.Дүйшеева.

Ал эми жергиликтүү тургун Анарбек Санжыбаевдин айтымында, бейтаптар жатуучу бөлмөлөр кейиштүү абалда. «Бөлмөлөрдүн дубалдары көчүп, түшүп калган. Көп жылдан бери оңдоп-түзөөдөн өтө элек экен», - дейт тургун.

Тогуз-Торо аймактык ооруканасынын жугуштуу оорулар бөлүмүнүн имараты 30 жыл мурда курулган. Ооруканада жалпы 300 дарыгер эмгектенип, райондогу 24 миң калкты тейлейт.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 833
Комментарии
Для добавления комментария необходимо быть нашим подписчиком
Көп окулду
×