Бөлүмдөр
Шейшемби, 25-сентябрь
Жалал-Абад облусуАла-Бука району 18.06.2018 12:40 Жаңыланды: 18.06.2018 12:52 На русском

«Кошуна үйгө кеткен бойдон дайынсыз»: Ала-букалык окуучу кызды шектүү унаасында зордуктаган

Turmush -  Ала-Бука районунда өзүнүн унаасында окуучу кызды зордуктоого шектүү делип 25 жаштагы жигит кармалды. Жалал-Абад ОИИБдин маалыматына караганда, Ала-Бука айылынын тургуну райондук милицияга арыз менен кайрылып, кызынын дайынсыз болуп жаткандыгын билдирген.

Арыз ээсинин маалыматына караганда, 14-июнда саат 20:30 чамасында анын 2001-жылы туулган кызы — 11-класстын окуучу үйүнөн кошунасыныкына сабакка даярданам деп чыгып кетип, кайра кайтып келген эмес. Милиция кызматкерлери дайынсыз жоголгон өспүрүм кызды издөө иштеринин жана ыкчам маалыматтардын натыйжасында, 15-июнга караган түнү аны бейтааныш азиат улутундагы 20-25 жаштардагы атуул күч колдонуп зордуктагандыгын аныкташкан.

«Зордуктаган жаранды аныктоо жана кармоо иштери дайындалып, шектүү катары Ала-Бука районунун Сары-Талаа айылынын 1993-жылы туулган тургуну А.Э. кармалган. Ал өзүнүн «Форд-Фокус» үлгүсүндөгү унаасында кызды зордуктагандыгы аныкталды.

Кылмышка шектүү РИИБдин убактылуу кармоо изоляторуна киргизилип, 2 айга камакка алынды», - деп айтылат маалыматта.

Учурда КРнын Кылмыш-жаза кодексинин 129-беренеси (зордуктоо) менен козголгон кылмыш ишти тергөө иштери жүрүүдө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
1
Необходимо авторизоваться
Комментарии
Для добавления комментария необходимо быть нашим подписчиком
×