Бөлүмдөр
Дүйшөмбү, 22-октябрь
Жалал-Абад облусуСузак району 14.06.2018 11:17 На русском

Жалал-Абадда жол кырсыктан бир үй-бүлө жабыркап, кош бойлуу келинге операция жасалды (фото)

Turmush -  Жалал-Абад облусунун Сузак районунда жол кырсыктан бир үй-бүлө мүчөлөрү жабыркады.

Жалал-Абад облустук жол кыймылынын коопсуздугун көзөмөлдөө бөлүмүнүн ага тескөөчүсү Айбек Сатыбалдиевдин маалыматына караганда, жол кырсык 12-июнда Жалал-Абад—Благовещенка унаа жолунун 1-чакырымында катталган.

«Анда Жалал-Абад шаарынын Птицаград кичи шаарчасынын 1988-жылы туулган тургуну Ж.Улан «Тойота-Сурф» үлгүсүндөгү автоунаасы менен Жалал-Абад багытын көздөй бара жатып, рулду башкара албай, алдында келе жаткан «ВАЗ-2107» унаасын сүзгөн. Экинчи унааны Сузак районунун Таран-Базар айылынын тургуну М.Шумкар башкарып бара жаткан.

Кырсыктын кесепетинен «Тойота-Сурф» унаасынын айдоочусу жана анын 2014-2016-жылкы балдары облустук ооруканага түшсө, 1992-жылы туулган жубайы А.Бегайым облустук төрөт үйүнө түшкөн», - деп билдирди ал.

Маалым болгондой, кош бойлуу келинге операция жасалган. Ал эми 4 жаштагы жана 2 жаштагы балдар баш мээсинен жараат алышкан. Ошондой эле 30 жаштагы айдоочу дагы жабыр тарткан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×