Бөлүмдөр
Жума, 21-сентябрь
Жалал-Абад облусу, Кара-Көл 04.06.2018 15:04

Кара-Көлдүн волейбол курама командасы республикалык мелдеште 1-орунду ээледи (фото)

Turmush -  Кара-Көл шаарынын волейбол боюнча курама командасы республикалык мелдештен 1-орунду ээлешти. Аталган маалыматты шаардын курама командасынын машыктыруучусу Алмаз Карыпбаев билдирди.

Маалым болгондой, ушул жылдын апрель айында өткөрүлгөн мектеп окуучулары арасындагы спартакиадада волейбол боюнча мелдеште 1-орунду Кара-Көл шаарынын курама командасы ээлеген. Ошондой эле 7-майдан 14-майга чейин Балдар өспүрүмдөр арасындагы республикалык 8-волейбол лигасынын мелдешинде да 1-орунду ээлешкен.

Алмаз Карыпбаевдин айтуусунда, шаардагы үч мектептин окуучуларынан куралган 6 окуучу Жалал-Абад облусунун намысын республикада коргоп келди.

«К.Хуриев атындагы №5 орто мектебинен 3 окуучу: Тимурлан Масилов, Майрамбек Биймурзаев, Саламбек Сыдыкбеков жана №2 Ч.Түлөбердиев атындагы инновациялык жалпы билим берүү мектебинен Кылымбек Сабыралиев, Назар Еркеев, ал эми Д.Шопоков атындагы №4 орто мектебинен Азирет Беренбаевдер бар.

Биздин шаардын атынан ушул 6 окуучу Жалал-Абад облусунун курама командасына кирип, республикалык мелдешке катышып, биринчи орунду ээлеп кайттык. Буга чейин ушул жылдын 11-апрелинде болуп өткөн окуучулар арасындагы спартакиадада Кара-Көл шаары биринчи орунду ээлеп кайтканбыз», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
Көп окулду
×