Бөлүмдөр
Шейшемби, 23-октябрь
Жалал-Абад облусуАксы району 14.05.2018 12:59

Аксыда жамгыр жана шамалдан 50дөн ашык үйдүн чатыры жабыркады (фото)

Turmush -  Ушул жылдын 12-майында нөшөрлөгөн жаандан жана катуу шамалдан улам Аксы районуна караштуу Кара-Суу, Ак-Жол, Авлетим, Кызыл-Туу айыл өкмөттөрүндө жалпы 54 турак үйдүн чатырлары жабыркады. Мындай маалыматты ӨКМдин Жалал-Абад облусундагы башкармалыгынын жетекчиси Дайырбек Каримов тастыктады.

Анын айтымында, турак үйлөрдөн сырткары 2 мектептин жана 1 бала бакчанын чатыры да жабыркаган.

«Социалдык объектилердин чатырлары кайрадан калыбына келтирилди. Ал эми жергиликтүүлөрдүн үйлөрүнүн чатырларынан 2-3 шифер учкан. Бир үйдүн чатыры учкан. Жалпы 54 турак үйдүн жана соцобъектилерди кошкондо 410 даана шиферди шамал жараксыз абалга алып келди», - деп билдирди ал.

Ал маалымдагандай, башка район-шаарларда селден жабыркагандар катталган жок.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×