Бөлүмдөр
Дүйшөмбү, 22-октябрь
Жалал-Абад облусуБазар-Коргон району 08.05.2018 12:31

Базар-Коргондо согуштун ардагерлерин Жеңиш майрамы менен куттукташты (фото)

Turmush -  Базар-Коргон районундагы согуштун ардагерлеринен жергиликтүү бийликтин өкүлдөрү кабар алып, Жеңиш майрамына карата өз белектерин тапшырышты. Бул тууралуу аймактык кабарчы билдирди.

Маалым болгондой, райондо 22 ардагер бар, алардын ону ооруктун, ал эми 12 адам согуштун ардагерлери. Алардын бири — 95 жаштагы Гапуржан Юсубалиевдин айтымында, ал кандуу согуш майданында өз жанын аябай, душмандар менен салгылашкан.

«Өзүм менен кошо барган жоокерлердин көпчүлүгү окко учуп каза болду. Ал кайгылуу элестерди бүгүнкү күнгө чейин унута албайм», - дейт ардагер.

Ал эми ооруктун ардагери Паша Сатарова 9 уул, 1 кыздын энеси. Буга чейин согуштун канчалык азаптуу жана кайгылуу экендигин өз балдарына жана неберелине айтып берип келет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×