Бөлүмдөр
Жума, 25-май
Жалал-Абад

Тогуз-Тородогу митинг: С.Исаков ишкананы өрттөө фактысын иликтөөнү ИИМге тапшырды

Turmush -  Жогорку Кеңештин депутаты Кожобек Рыспаев Тогуз-Торо районундагы митинг боюнча айтып жатып: «Казарманда эмне болуп жатканын уктуңарбы? 2 камаз, миксер, жүктөгүчтү өрттөп жиберишиптир», - деп билдирди.

Ал премьер-министрге кайрылып жатып: «Элдер менин кызыкчылыгым бар экенин айтышат, анткени мен ал жердин курулушуна капсула салгам. Эгерде ушундай улана берсе, анда бизге бир дагы инвестор келбейт», - деди депутат.

Өз кезегинде Сапар Исаков бул маселе боюнча тиешелүү чаралар көрүлүшү керектигин белгилеп: «Мен ички иштер министрине тапшырма берем, ал тиешелүү чараларды көрөт», - деди.

Ал февраль айында бул компаниянын ишмердүүлүгү Мамэкотехинспекциясы тарабынан токтотулгандыгын эскертти.

Кийинчерээк, өкмөттөн маалымдашкандай, Сапар Исаков Ички иштер министрлигине Тогуз-Торо районундагы «Джи Эл Макмал Девелопинг» компаниясынын имаратынын өрттөлүшү боюнча кылдаттык текшерүү жүргүзүүнү тапшырды.

С.Исаков мындай иштерге жол берилбеши керектигин белгилеп, аталган факт боюнча мыйзам чегинде тиешелүү чаралар көрүлүшү ккеректигин белгиледи.

Мындан тышкары, Өнөр жай, энергетика жана жер казынасын пайдалануу мамлекеттик комитетине алтын өндүрүүчү фабриканын курулушуна долбоордук-сметалык документтердин жана тийиштүү уруксаат берүүчү документтердин болушуна карата тыкыр текшерүү өткөрүүсү тапшырылды.

Буга чейин маалымдалгандай, бүгүн, 11-апрелде Тогуз-Торо районунун тургундары «Джи Эл Макмал Девелопинг» ишканасынын кайрадан иштешине каршы болуп, митингге чыгыштып, ишкананын имаратын өрттөп салышкан.

«Нааразычылыкка чогулгандар ишкананын өкүлдөрү элдин талаптарын аткарбаганын айтып, имаратты өрттөп жиберишти. Учурда чогулгандар өздөрүнүн талаптарын айтышууда. Болжол менен митингге 800дөн ашуун эл чыкты», - дешти жергиликтүүлөр.



Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 718
×