Бөлүмдөр
Бейшемби, 18-октябрь
Жалал-Абад облусуАла-Бука району 06.04.2018 14:54 Жаңыланды: 06.04.2018 18:08

Эмилбек Абдыкадыров Ала-Бука районунун акими болду (фото, өмүр баяны)

Turmush -  Ала-Бука районунун акими болуп Эмилбек Абдыкадыров дайындалды. Маалым болгондой, тиешелүү буйрукка премьер-министр Сапар Исаков кол койгон.

Э.Абдыкадыров буга чейин өкмөттүн Жалал-Абад облусундагы өкүлчүлүгүндө бейөкмөт уюмдар менен иштешкен. 2017-жылы Жалал-Абад шаардык кеңешинин VII чакырылышына «Кыргызстан» партиясынан депутат болуп шайланган.

Ала-Бука районунун мурдагы акими Сонунбек Акбаралиев мөөнөтүнөн мурда кызматынан бошотулган болчу.

Кийинчерээк Ала-Бука районунун акими болуп дайындалган Эмилбек Абдыкадыровду өкмөттүн аппаратынын уюштуруу иштери жана аймактык башкаруу бөлүмүнүн инспектору Атай Алманбетов жана өкмөттүн Жалал-Абад облусундагы ыйгарымдуу өкүлү Кыянбек Сатыбалдиев акимиаттын жамаатына тааныштырышты.

Өмүр баяны

Эмилбек Абдыкадыров 1964-жылы Сузак районунда туулган.

Билими:

- 1986-жылы Новочеркасска политехникалык институтунда билим алган.

Эмгек жолу:

- 1992-жылы Жалал-Абад шаарында «Нур» ААКтын жетекчисинин орун басары;

- 1993-жылы Жалал-Абад облусу жана Жалал-Абад шаарынын өнөр жай ишканаларынын иштерин жөнгө салуу боюнча комиссиянын төрагасынын орун басары;

- 2007-2008-жылдары Майлуу-Суу шаарынын мэри;

- 2008-жылы Балыкчы шаарынын 1-вице-мэри;

- 2008-2010-жылдары «Жалал-Абад электр» ААКтын экономикалык директору;

- 2010-2012-жылдары Жалал-Абад облустук администрациясынын аппарат жетекчиси;

- 2012-2014-жылдары өкмөттүн Жалал-Абад облусундагы өкүлүнүн аппаратынын жетекчиси;

- 2014-жылы БУУнун Өнүктүрүү программасынын Ош облусундагы аймактарды комплекстүү өнүктүрүү боюнча программасынын аймактардагы көйгөйлөрдү чечүү боюнча эксперт;

- 2015-жылы Ош, Жалал-Абад облустары боюнча пилоттук жамааттардын бизнес жана сооданы колдоо борборлорун өнүктүрүү боюнча эксперт;

- 2016-жылы Аймактарды комплекстүү өнүктүрүү боюнча програмасынын мамлекеттик жана муниципалдык кызмат көрсөтүүнү жакшыртуу боюнча эксперт болуп иштеген;

- 2016-жылдан 2018-жылга чейин иштеген эмес.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×