Бөлүмдөр
Шаршемби, 25-апрель
Жалал-Абад

Жалал-Абаддын 3 тургуну ок атуучу куралдарды мыйзамсыз алып жүргөн жеринен кармалды

Turmush -  Ала-Бука районунда бир нече жарандан ок атуучу куралдар алынды. Бул тууралуу Жалал-Абад ОИИБдин басма сөз кызматынан билдиришти.

Маалыматка караганда, ушул жылдын 27-мартында Ала-Бука райондук милиция кызматкерлери тарабынан ыкчам иш-чаралар жүргүзүлүп, жыйынтыгында 5-6-калибрдеги номуру өчүрүлгөн «ТОЗ-8» үлгүсүндөгү куралды жана 12-калибрдеги 2 даана сайсыз ок атуучу куралды эч кандай документтери жок мыйзамсыз көтөрүп жүргөн жеринен 2 жаран кармалган. Алар Көк-Таш айылынын 48 жаштагы тургуну И.Н. менен Чоң-Сай айылынын 40 жаштагы тургуну М.А. экендиги аныкталган. Ошондой эле 35 жаштагы Н.А. аттуу тургун SARSILMAZ үлгүсүндөгү сайсыз ок атуучу куралы менен кармалган.

Ал эми Ак-Талаа районунун 54 жаштагы тургуну Р.Б., Кара-Ой айылынын 29 жаштагы тургуну Д.Р., Үмүт айылынын 26 жаштагы тургуну Ж.И. жана Баетов айылынын 26 жаштагы тургуну К.М. өз ыктыярлары менен 12-калибрдеги, 20-калибрдеги жана 2 даана 32-калибрдеги сайсыз куралдардын стволдорун аймактык милицияга өткөрүп беришкен.

ИИМ мыйзамсыз курал сатып, ташып, куралдын негизги бөлүктөрүн жанына алып жүргөн жарандар, ошондой эле курал-жарактарды даярдагандар жана оңдогондор, ок-дарыларды, жарылуучу заттарды мыйзамсыз колдонгондор кылмыш жоопкерчилигине тартыларын эскертет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 507
Көп окулду
×