Бөлүмдөр
Шаршемби, 25-апрель
Жалал-Абад

Мугалимдердин республикалык сынагында 3-орунду алган А.Исабековага эс алууга жолдомо берилди (фото)

Turmush -  Кара-Көл шаарындагы тарбиячы Айзада Исабекова «Мугалим коомдун күзгүсү - 2018» республикалык кароо-сынакта 3-орунду ээледи. Бул тууралуу шаардык билим берүү бөлүмүнүн башчысы Алымкан Мырзалиева билдирди.

Анын айтымында, «Баластан» билим берүү уюмунун тарбиячысы А.Исабекова 3-орунду ээлеп, «Ажарлуу мугалим-2018» номинациясына ээ болду. Ага 3-даражадагы диплом, кир жуучу машина жана Ысык-Көлгө эс алууга жолдомо берилди.

Сынак Аймактарды өнүктүрүү жылына жана республикалык «Мугалим» илимий-педагогикалык журналынын 4 жылдык мааракесине карата өткөрүлгөн. Бул сынакка өлкө боюнча жалпы 356 мугалим катышып, 1-турда 78 мугалимдин табыштамасы кабыл алынган. Анын ичинен 12 катышуучу финалга чыгып, интернет аркылуу добуш берүү жүргүзүлдү.

Сынактын жыйынтыктоочу туру 27-мартта Бишкектеги «Сейтек» борборунда өтүп, жеңүүчүлөр аныкталды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 670
Көп окулду
×