Бөлүмдөр
Шаршемби, 25-апрель
Жалал-Абад

Базар-Коргондо деңгээли көтөрүлгөн Кара-Үңкүр дарыясынын агымы көзөмөлгө алынды

Turmush -  Базар-Коргон районундагы жаандан улам деңгээли көтөрүлүп, үйлөрдү каптап кетүү коркунучу жаралган Кара-Үңкүр дарыясынын агымы көзөмөлгө алынды. Бул тууралуу ӨКМден билдиришти.

Маалыматка караганда, 28-март күнү саат 14:00 чамасында Сейдикум айыл аймагына катуу жааган жаандын кесепетинен Кара-Үңкүр дарыясындагы суусунун деңгээли көтөрүлгөн. Анын кесепетинен Кызыл-Ай айылындагы «Алтын-Була» пахта тазалоочу заводунун аймагын жана болжол менен 110 турак жайды суу каптап кетүү коркунучу жаралган. 29-март күнү ӨКМден экскаватор жана айыл аймактан 4 «КамАЗ», 1 жүктөгүч тартылып, узундугу 260 метр, бийиктиги 2-2,3 метр дамба куруу жумуштары аткарылды. Аталган дарыянын жээктерин бекемдөө үчүн 32 рейс таш бетон ташылып, саат 17:00дө суу каптоо коркунучу жоюлду.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 375
Көп окулду
×