Бөлүмдөр
Шейшемби, 17-июль
Жалал-Абад

Чаткалда мугалимдер арасында өткөн спорттук мелдештин жеңүүчүлөрү аныкталды (фото)

Turmush -  Чаткал районунда мугалимдер ортосунда спорттук мелдеш өтүп, жеңүүчүлөр аныкталды. Бул тууралуу райондук администрациянын маалымат бөлүмүнүн өкүлү Мухаммедалы Эшназаров билдирди.

Анын айтымында, райондогу билим берүү кызматкерлеринин 23-спартакиадасы өттү. Ага район боюнча эркектерден турган 13 команда, аялдардан турган 7 команда, жалпысынан 20 команда катышып, спорттун волейбол, шахмат жана теннис түрлөрү боюнча күч сынашты.

Мелдештин соңунда калыстардын чечими менен волейбол боюнча эркектер арасында 1-орунду Исмайыл уулу Матиш жана Ж.Ташкеев орто мектебинин мугалимдеринен турган команда багындырды. 2-орунга Чакмак-Суу орто мектебинин командасы ээ болду. 3-орунду Сумсар, Ю.Гагарин, В.Ленин жана Терек-Сай орто мектептеринин курама командасы алды.

Ал эми аялдар арасынан 1-орун Исмайыл уулу Матиш орто мектебинин командасына берилди. 2-орунду Чакмак-Суу орто мектебинин командасы ээлесе, 3-орун Башкы-Терек орто мектебинин командасына ыйгарылды.

Шахмат боюнча 1-орунду Башкы-Терек орто мектебинин мугалими Ж.Алиев, 2-орунду А.Баймырзаев орто мектебинин мугалими К.Смаилов, 3-орунду Терек-Сай орто мектебинин мугалими Н. Анарбаев ээледи.

Теннис боюнча мелдештин жеңүүчүлөрү да аныкталып, сыйлыктар тапшырылды. Мугалимдердин спорттук мелдешинде жалпы 60 миң сом сыйлыктар ыйгарылды.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 727
Комментарии
Для добавления комментария необходимо быть нашим подписчиком
Көп окулду
×