Бөлүмдөр
Шейшемби, 17-июль
Жалал-Абад

Фото — Чаткал районунда эң сулуу кыз тандалды

Turmush -  Чаткал районунда «Чаткал периси — 2018» сулуулар сынагы өтүп, жеңүүчү аныкталды.

Райондун акими Канжар Эшалиев билдиргендей, салтка айланган райондун сулуулар сынагы уюштурулду. Ага 7 кыз катышып, алар ар кандай тапшырмаларды аткарышты.

Сынак саламдашуу, өз өнөрүн көргөзүү, улуттук жана европалык стилде бийлөө, мода көрсөтүү, залкар жазуучу Ч.Айтматовдун чыгармаларынан монолог айтуу сыяктуу жалпы 6 тапшырма боюнча өз өнөрлөрүн көрсөтүшүп, күч сынашты. Калыстар тобу ар бир кызга баа беришти.

Жыйынтыгында 1-орун Жаңы-Базар айылынан келген Талантбек кызы Айгеримге ыйгарылып, 1-даражадагы диплом жана 5000 сом сыйлык тапшырылды. 2-орун Шекафтар айылынан келген Айтурган Эгеновага берилип, 2-даражадагы диплом жана 3000 сом акчалай сыйлык берилди. 3-орунга Терек-Сай айылынын тургуну Айдана Мамырбекова ээ болуп, 3-даражадагы диплом жана 2000 сом акчалай сыйлык менен сыйланды.

Ал эми Айгыр-Жал айылынын катышуучусу Айжамал Сатымкулова «Сахна жылдызы», Кызыл-Токой айылынын катышуучусу Бибигүл Апсамат кызы «Үлгүлүү кыз», Сумсар айылынын катышуучусу Айнагүл Ташматова «Ажарлуу айым», Курулуш айылынын катышуучусу Жаңылай Салиева «Бийкеч» номинацияларына ээ болушту.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1357
Комментарии
Для добавления комментария необходимо быть нашим подписчиком
Көп окулду
×