Бөлүмдөр
Шаршемби, 15-август
Жалал-Абад

Таш-Көмүрдө жердештеринин корооcуна кол cалып жүргөн уурулар кармалды (фото)

Turmush -  Жалал-Абаддагы Таш-Көмүр шаарында жергиликтүү элдин малын уурдап, материалдык зыян келтирген шектүүлөр кармалды. Жалал-Абад ОИИБдин басма сөз кызматы билдиргендей, буга чейин уурулардан жабыркаган бир нече адамдан арыз түшкөн.

2017-жылдын 22-сентябрында Таш-Көмүр шаарынын Юлдашев көчөсүндөгү үйлөрдүн биринен 2 баш эчки уурдалган. Андан кийин, тактап айтканда 21-ноябрь күнү Нарын көчөсүндөгү үйлөрдүн биринин жашоочусу эртең менен мал сарайынан 1 баш коюн таппай калган.

Андан 15 күн өткөндөн кийин ошол эле Нарын көчөсүндө жайгашкан үйлөрдүн бириндеги мал сарайдан 2 кой, 19-декабрга караган түнү Осмонбеков көчөсүндөгү үйдөн дагы 1 баш кой уурдалган.

Мал ээлери Таш-Көмүр ШИИБге жазган арыздын негизинде милиция кызматкерлери тарабынан ыкчам-иликтөө иш-чаралары жүргүзүлүп, 19-январь күнү шектүү кармалган болчу. 34 жаштагы жергиликтүү тургун М.И. кылмыш иштерине катышканы толугу менен далилденген.

Уурулук дагы улантылып, 24-январь күнү Таш-Көмүр шаарынын Чыныбаев көчөсүндөгү короонун сыртында турган буканы белгисиз адамдар уурдап кетишкен. Үй ээси дароо милицияга кабарлап, 1 күн өтпөй 1978-жылы туулган жергиликтүү тургун Т.Э. Таш-Көмүр ШИИБдин кызматкерлери тарабынан кармалды. Сурак учурунда ал кылмышты мойнуна алган.

Шектүүлөр убактылуу кармоочу жайга киргизилип, тактоо жана тергөө иштери улантылып жатат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1436
Комментарии
Для добавления комментария необходимо быть нашим подписчиком
Көп окулду
×