Бөлүмдөр
Шейшемби, 21-ноябрь
69.73    82.29    1.18    KZT 0.21
Жалал-Абад

Эл ичи — өнөр кенчи: Токтогулдук жөө күлүк кыз Жайнагүл мелдештерде ийгиликтерди жаратууда (фото)

Turmush -  Токтогул районунун Чолпон-Ата айылынын 20 жаштагы тургуну Тиленбай кызы Жайнагүл 2 жылдан бери чуркоо боюнча мелдештерде ийгиликтерди жаратууда. Аймактык кабарчы жөө күлүк кыз менен таанышты.

Өзүнүн айтымында, учурда Кыргыз улуттук университетинин чет тилдер бөлүмүндө 3-курстун студенти.

«Спортко кичинемден бери эле кызыгып, оюндарга катышып келем. Үйдөгүлөр ар тараптан колдоп келет. Өзүм 6-класстан 10-класска чейин волейбол ойноп жүрдүм. Кийин жеңил атлетикага болгон кызыгуум арта баштады.

Биринчи жолу 11-классымда Жалал-Абад шаарына барып, 800 метрге чуркап, 3-орунду ээледим. Ошентип жүрүп Токтогулдун тоолорунда машыга баштадым. Жумасына 6 жолу машыгам. Көбүнчө тоолордо жана стадиондордо даярдык көрөм. 2016-жылы эл аралык марафондо 10 км аралыкка чуркап, 1-орунга ээ болдум. Кышкы чемпионатта 800 метрден 3-орунду, «Күз деми» мелдешинде 10 км аралыкка чуркоодон 2-орунду, Казакстандагы эл аралык марафондо 21 км аралыкка чуркоодон 1-орунду ээледим. Чуркаган жеңил дегендерге кошулбайм. Ак мээнет, аракет жана талыкпаган машыгуунун арты менен гана ийгиликке жетише аласың. Сабактан тышкары машыгуулар менен алекмин. 2 жыл ичинде көп ийгиликтерге жетиштим. Учурда 30дан ашуун медалым бар. Өзүм узак аралыка жүгүргөндү жакшы көрөм», - деди ал.

Жөө күлүк кыз үй-бүлөдө 4 бир туугандын үчүнчүсү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 4521
Комментарии
Обсуждения закрыты
Нет аватара
Kanoniry
20:15, 11 ноября 2017
Молодец! Жайнагул ийгилик!
Көп окулду
Учурда окулуп жатат
×