Бөлүмдөр
Бейшемби, 18-октябрь
Жалал-Абад облусуТогуз-Торо району 13.10.2017 12:10

Тогуз-Тородо 25 аял сүт азыктарын иштетүүнүн ыкмаларын үйрөнүп, сертификат алышты

Turmush -  Бүгүн, 13-октябрда Тогуз-Торо районунун Дөдөмөл айылында аз камсыз болгон үй-бүлөлөрдүн ичинен 25 аял сүт азыктарын иштетүү ыкмасын үйрөнүп бүтүштү. Бул тууралуу акимдин орун басары Гүлжамал Султангазиева кабарлады.

Анын айтымында, аялдарды сүт азыктарын иштетүүдө бир топ тажрыйбага ээ болгон Тогуз-Торо айылынын жашоочусу Ырыскүл Шайнаева окутту. Аялдарга тиешелүү сертификаттар, ар бирине 2 каптан ун жана 2 килограммдан өсүмдүк майы тапшырылды.

«Окуу БУУнун Азык-түлүк программасынын «Эмгек үчүн азык-түлүк» долбоорунун алкагында өткөрүлдү. Бул долбоорго райондун 5 айыл өкмөтү кирген. Тогуз-Торо районунда аз камсыз болгон 990 үй-бүлө бар, аларда 2 миң 428 бала жашайт. Райондо жакырчылыктын деңгээли 51%ды түзөт», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×