Бөлүмдөр
Ишемби, 16-декабрь
69.75    82.48    1.19    KZT 0.21
Жалал-Абад

Бишкек–Ош жолундагы кырсык: 5 адам каза болгон аксылык үй-бүлөгө 40 миң сом жардам берилди

Turmush -  Аксы районунда жол кырсыктан 5 адам каза болгон үй-бүлөгө 40 миң сом акчалай жардам берилди. Бул тууралуу Кара-Суу айыл өкмөтүнүн башчысы Руслан Бекназаров билдирди.

Анын айтымында, каза болгон үй-бүлөдө 7 бала жетим калды. Алардын үчөө атасынан, энесинен да айрылды.

«Жол кырсыкта каза болгон үй-бүлөнүн жакындарына өкмөттүн Жалал-Абад облусундагы өкүлчүлүгү жана Кара-Суу айыл өкмөтүнөн 40 миң сом жардам берилди. Райондук администрация дагы жардамын көрсөттү. Мындан сырткары, учурда жетим калган 7 баланы камкордукка алуу сунушу берилди. Алардын үчөө томолой, төртөө жарым жетим калды», - деди ал.

Буга чейин маалымдалгандай, 8-октябрда Ош—Бишкек унаа жолунун 423-чакырымында «Хонда Фит» менен «Вольво» унаасы сүзүшүп, 5 адам каза болгон. Алардын бары бир үй-бүлөдөн болушкан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1378
Комментарии
Обсуждения закрыты
Көп окулду
Учурда окулуп жатат
×