Бөлүмдөр
Шейшемби, 19-сентябрь
68.43    81.71    1.19    KZT 0.2
акыркы жаңылыктар

бардыгы

Жалал-Абад

Ош—Бишкек унаа жолунда 3 облустун жаштары түлөө өткөрүп, айдоочуларга эт таратышты (фото)

Turmush -  Кечээ, 3-сентябрда Ош—Бишкек унаа жолунда 3 облустун жаштары жол кырсык азайсын деген тилек менен түлөө өткөрүштү. Бул тууралуу уюштуруучулардын бири Келдибек Жээнбеков билдирди.

Анын айтымында, Ош, Жалал-Абад жана Баткен облусунун жаштарынан куралган «Келечек жаштары» коомдук уюмунун мүчөлөрү кой союп, этин айдоочуларга тараткан.

«Акыркы учурда жол кырсыктар көп катталып, курман болгондор да көбөйдү. Ошого байланыштуу Ош, Жалал-Абад, Баткендин жаштары биригип, жарандарыбыз бөөдө кырсыкка кабылбасын, жол кырсыгы азайсын деген максатта кой союп, түлөө өткөрдүк. Биздин иш-чарага облустук казыят жана Патрулдук милиция да көмөктөштү», - деди К.Жээнбеков.

Акциянын алкагында айдоочуларды Патрулдук милициянын кызматкерлери токтотуп, эрежелерди сактоого чакырып, даам сыздырып жатышты.

Түлөө — курмандык чалып, жогорку күчтөрдөн, кудайдан ырайым тилеген ырым-жырым. Түлөө берүү жакшылыкты тилөө — эл-журттун, бала-чаканын аман-эсендигин, жаратылыш кырсыктарын болтурбоону, оору-сыркоодон сакайганда, жоголгон адамдын же малдын аман-эсен табылгандыгына, кырсыктан аман калганда, жаңы тууган күткөндө жана башка жагдайларда берилген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 747
Комментарии
Обсуждения закрыты
Көп окулду
Учурда окулуп жатат
10:18,   19.09.2017   ( 10 адам окуп жатат)
×
Урматтуу окурман, мекенибиздин аймактагы «турмушунан» кабар алганыңыз үчүн ыраазычылык билдиребиз.
Куш кабарыбыз маалыматтык чаңкооңузду канааттандырса «Нравится» эн белгисин басуу менен сиз үчүн кылган ишибизге дем бериңиз!
Жабуу