Бөлүмдөр
Шаршемби, 13-декабрь
69.75    82.23    1.19    KZT 0.21
Жалал-Абад

Фото, видео - Бишкек—Ош жолундагы кырсыктан каза болгон 8 адамдын өздүгү такталды (тизме)

Turmush -  Бишкек—Ош жолундагы 3 унаанын кагылышуусунан каза болгон 8 адамдын өздүгү такталды. Бул тууралуу Жалал-Абад ОИИБдин басма сөз кызматы маалымдады.

Каза болгондордун бардыгы «Хонда Стэпвагон» унаасында бара жаткан. Ал унаанын айдоочусу — Ош облусунун Өзгөн районунун Куршаб айылынын 1991-жылы туулган тургуну Д.Санжарбек оор абалда Шамалды-Сай аймактык ооруканасынын хиругия бөлүмүндө жатат.

Каза болгондор:

- Жунусмамат уулу Эрмекбай, 1994-жылы туулган, Ош облусунун Өзгөн районунун Ана-Кызыл айылынын тургуну;

- Бердибеков Шамшидин Камалович, 1970-жылы туулган, Ош облусунун Чоң-Алай районунун Дароот-Коргон айылынын тургуну;

- Дусматова Адинахан Укматовна, 1973-жылы туулган, Ош облусунун Кара-Суу районунун Жаңы-Арык айылынын тургуну;

- Асанова Малика Эргешовна, 2014-жылы туулган, Ош облусунун Өзгөн районунун Куршаб айылынын тургуну;

- Төрөгелдиева Гүлнара Калиловна, 1965-жылы туулган, Ош облусунун Кара-Кулжа районунун тургуну.

- Толубаева Фатима Ахмадовна, 1979-жылы туулган, Ош облусунун Кара-Суу районунун Шарк айылынын тургуну;

- Бактыбеков Исламбек Бактыбекович, 2000-жылы туулган, Ош облусунун Өзгөн районунун Кароол айылынын тургуну;

- Султанов Алмазбек Маматказиевич (туулган жери такталып жатат).


ӨКМдин басма сөз кызматы билдиргендей, кырсык 20-июлда саат 06:30 чамасында Бишкек—Ош унаа жолунун 460-чакырымында 3 унаанын — оор жүк ташуучу «МАН» үлгүсүндөгү унаа, «Хонда Стэпвагон» жана «Хонда Одиссей» унааларынын катышуусунда болду.

- «Хонда Одиссей» унаасында 6 адам болгон. Учурда алардын абалы канааттандырарлык. Айдоочусу — Ош облусундагы Алай районунун 1990-жылы туулган тургуну А.Н;

- Оштон Бишкек тарапка бара жаткан оор жүк ташуучу «МАН» унаасында 2 адам болгон, алардын абалы канааттандырарлык;

- «Хонда Стэпвагон» унаасында 9 адам болгон. Андагы 8 жүргүнчү окуя болгон жерде каза болуп, айдоочусу — 1991-жылы туулган тургуну Д.Санжарбек ооруканада.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 19991
Комментарии
Обсуждения закрыты
Көп окулду
Учурда окулуп жатат
×