Бөлүмдөр
Шейшемби, 22-январь
Жалал-Абад облусу, Жалал-Абад 17.07.2017 12:31

Мугалимдердин республикалык спартакиадасында ЖАМУнун кыз-келиндери 2-орунду ээледи

Turmush -  ЖАМУнун командалары Чолпон-Ата шаарында өткөн мугалимдердин республикалык спартакиадасында бир катар ийгиликтердин ээси болушту. Бул тууралуу ЖАМУнун дене тарбия, спорт кафедрасынын башчысы жана тарых илимдеринин кандидаты Өзгөнбай Дооронов кабарлады.

Бул университеттин кыз-келиндер командасы жарым финалдык беттешүүдө Бишкек шаарынан келген Кыргыз-Орус славян университетинин оюнчуларын 3:0 эсебинде утуп алышкан. ЖАМУнун кыз-келиндер командасы финалдык беттешүүдө ОшМУнун кыздар командасына 3:0 эсебинде жеңилип, республикалык спартакиадада 2-орунга чыгышты.

Ал эми, ЖАМУнун шахмат боюнча окуучулар командасы ушул эле республикалык мелдеште 5-орунду камсыз кылышты. Мугалимдердин республикалык спартакиадасында стол үстүндө теннис мелдешинде ЖАМУнун окутуучусу Зульфия Асилова 4-орунду ээледи.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×