Бөлүмдөр
Бейшемби, 18-октябрь
Жалал-Абад облусуБазар-Коргон району 28.06.2017 18:19

Базар-Коргондо бир нече айылды сел каптады (фото)

Turmush -  Бүгүн, 28-июнда саат 06:00 чамасында Базар-Коргон районунун бир нече айылдарын сел каптады.

Маалым болгондой, Кеңеш айыл аймагынын Кызыл-Октябрь, Сейит-Казы, Кызыл, Коткор айылдарында жааган жамгырдын кесепетинен кокту-колоттон сел суулары агып, 24 турак үйдүн короолорун жана айыл чарба жерлерин каптаган. Учурда райондук жарандык коргоону комиссиясы жабыркаган үйлөрдү тактап жатат.

Ошондой эле, Талдуу-Булак айыл аймагына караштуу Базар-Коргон–Арстанбап унаа жолунун Кекилик тилкесиндеги коктудан шагыл аралаш сел суулары агып, жолду жаап калуу коркунучу пайда болгон. Учурда №50 жол тейлөө ишканасынан техникалар тартылып, жол тазаланып жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×