Бөлүмдөр
Ишемби, 16-декабрь
69.75    82.48    1.19    KZT 0.21
Жалал-Абад

Бахадыр Маткеримов Көк-Жаңгак шаардык кеңешинин төрагасы болуп шайланды

Turmush -  Көк-Жаңгак шаардык кеңешинин жаңы төрагасы менен анын эки орун басарынын аты-жөнү белгилүү болду. Жергиликтүү депутаттардын бири билдиргендей, шаардык кеңешке шайланган 21 депутатка аймактык шайлоо комиссиясынын төрагасы тарабынан күбөлүктөр да тапшырылган.

Белгилүү болгондой, Көк-Жаңгак шаардык кеңештин төрагалыгына эки адам — Бахадыр Маткеримов жана Аксубай Укембаев сунушталган. Бирок, Укембаев Аксубай элдин ынтымак, биримдиги, шаардын өнүп-өсүшү үчүн өз каалоосу менен төрагалыкка болгон талапкерликтен баш тартып, Маткеримов Бахадыр мырзага ийгилик каалады.

Шайлоо жашыруун добуш берүү тартиби менен өтүп, жыйынтыгында депутаттар бир добуштан Б.Маткеримовду Көк-Жаңгак шаардык кеңешинин төрагалыгына шайлашты. Ал эми анын орун басарлары болуп Маматкулов Акылбек жана Мамайкулов Алтынбек шайланды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 864
Комментарии
Обсуждения закрыты
Көп окулду
×