Бөлүмдөр
Шейшемби, 20-ноябрь
Жалал-Абад облусу, Көк-Жаңгак 11.05.2017 14:29 На русском

Көк-Жаңгак шаарын суу каптоо коркунучу жаралды (фото)

Turmush -  Жалал-Абад облусунун Көк-Жаңгак шаарын суу каптап кетүү коркунучу жаралды.

Жергиликтүү тургун Талас Каленовдун айтымында, 23-райондун үстүндөгү карьерге адырдан келген суу башка жылга салыштырмалуу көп топтолууда. Бул абалга Көк-Жаңгак шаарынын эли кооптонуп жатышат.

«Карьерге жылда эле суу топтолуп, бат эле соолуп кетчү. Быйыл суунун көлөмү көп болууда. Бир айга жакын убакта эле карьерде 500-600 метр куб суу топтолуп калды. Үч-Малайга келүүчү каналда да аң пайда болуп, андагы суу карьерге куя баштаган. Сууну Үч-Малайга буруу үчүн техникалар керек экен. Суунун нугун эртерээк Үч-Малайга бурбаса суу карьерге топтолуп, андан ашкан суу 23-районду, Черемушка районун каптоосу мүмкүн. Ал аймактарда 2, 5 миңден ашуун калк жашайт.

Жергиликтүү жашоочулар суунун топтолуусунан кооптонуп, шаар мэрине кайрылган, бирок жыйынтык болбой жатат», - дейт Т.Каленов.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×