Бөлүмдөр
Шейшемби, 20-ноябрь
Жалал-Абад облусу, Жалал-Абад 24.02.2017 11:01

Жалал-абаддык балбан эркин күрөш боюнча республикалык мелдеште алтын медаль утту

Turmush -  Жалал-Абад облусунун балбандары эркин күрөш боюнча мелдештен байгелүү кайтышты. Бишкек шаарында Кожомкул атындагы спорт сарайында эркин күрөш боюнча чоңдор арасында өткөн мелдеште 75 кг салмак боюнча 1-орунду Музаффар Юнусов жеңип алып, Кыргыз Республикасынын чемпиону болду.

Спорт күйөрмандарынын белгилешинче, мындай жеңиш Жалал-Абад облусунан чыккан балбандар арасында акыркы беш жылдан бери боло элек болчу. Ошондой эле, ушул эле мелдеште жалал-абаддык балбан Ахрор Мадаминов 97 килограммдык салмакта коло медаль менен сыйланды.

Аталган эки спортчу тең Жалал-Абад шаарындагы И.Разаков атындагы олимпиадалык резерв мектебинин тарбиялануучулары. Спорт мектепти дүйнөнүн беш жолку чемпиону Чыңгыз Аканов жетектейт.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×