Бөлүмдөр
Ишемби, 17-ноябрь
Жалал-Абад облусу, Кочкор-Ата 01.02.2017 14:32 На русском

Кочкор-Атанын экс-мэрин ак боз ат менен узатышты (фото, видео)

Turmush -  Кочкор-Ата шаарынын мурунку мэри Кубанычбек Эгембердиевди ак боз ат менен узатышты. Бул тууралуу Turmush басылмасынын кабарчысы билдирди.

Кечээ, 31-январда Кочкор-Ата шаарында мэрди шайлоо болуп, анда КСДП партиясынан талапкерлигин койгон А.Жумаев 20 депутаттын колдоосу менен мэр болуп шайланды.

Жаңы шайланган мэр Алтынбек Жумаев 1979-жылы Кочкор-Ата шаарында төрөлгөн. Билими: Жалал-Абад укук, бизнес жана компьютердик технологиялар институтунун Юриспруденция факультетинде 2003-2007-жылдары окуп, юрист адистигин бүтүргөн.

Эмгек тажырыйбасы: 1999-2003-жылдары «Кубатбек» айыл чарбасында, 2003-2006-жылдары Жалал-Абад шаарындагы «Кон» корпорациясында айдоочу-күзөтчү болуп иштеген. 2006-2012-жылга чейин жеке ишкердик менен алектенип жүргөн. Ал эми 2013-жылдан тарта Кочкор-Ата шаарындагы «Тазалык» жашылдандыруу, көрктөндүрүү, санитардык тазалоо комбинатын жетектеп келген.

36

Шайлоо бүткөндөн кийин жаңы шайланган мэр, Ноокен районунун акиминин орун басары жана жергиликтүү тургундар экс-мэр К.Эгембердиевге ак боз ат мингизип узатышты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×